Yoroubeg

Yoroubeg; (ede Yorùbá)
Perzhioù
Komzet e :	Nigeria, Benin, Togo
Komzet gant :	~ 25 000 000
Renkadur :	49
Familh-yezh :	Yezhoù nijerek-kongoek; Yezhoù atlantek-kongoek; Yezhoù voltaek-kongoek; Yezhoù benoue-kongoek; Yezhoù defoek; Yoroubeg
Statud ofisiel
Yezh ofisiel e :	Nigeria
Akademiezh :	hini ebet
Kodoù ar yezh
ISO 639-1	yo
ISO 639-2	yor
ISO 639-3
Kod SIL	yor
	Sellit ivez ouzh ar pennad Yezh.

Ur yezh nijerek-kongoek eus is-skourr ar yezhoù defoek eo ar yoroubeg (yorùbá) komzet gant tro-dro da 20 milion a dud e Nijeria, Benin ha Togo. Roudoù eus ar yezh-mañ a vez kavet ivez e Brazil ha Cuba ma vez graet nagoeg (nago) anezhi.

Ur yezh dezrannel gant tonennoù eo ar yoroubeg.

Dre vras ez eus pemzek rannyezh disheñvel kenstrollet e tri bloc'had pennañ evel-hen:

Rannyezhoù ar gwalarn
- komzet en Abẹokuta, Ibadan, Ọyọ hag Ọṣun
Rannyezhoù ar c'hreiz
- komzet en Ekiti, Akurẹ, Ẹfọn hag Ijẹṣa
Rannyezhoù ar gevred
- komzet en Okitipupa, Ondo, Ọwọ, Ṣagamu hag e lec'hioù zo en Ijẹbu.

Disheñvel eo ar yezh unvan diouzh an holl rannyezhoù all, da lâret eo ne oa ket bet diazezet war ur rannyezh resis lakaet da yezh unvan daoust ha ma teu an darn vrasañ eus ar yezh unvan ouzh ar rannyezhoù komzet en Ọyọ hag Ibadan.

Skrivet e vez ar yoroubeg gant al lizherenneg latin bet unvanet e 1965 gant un nebeud sinoù ouzhpenn evit merkañ an tonennoù, digoradur ar vogalennoù, hag all.